18 أبريل 2012

سنعود يومآ لا محال

بقلم محمد حمدى
 يا سليل المجد ارض المهد يا ست الخلود ... سنعود يومآ لا محال سنعود يومآ للنسيم والجبال
 نذكرت كلمات هذه الاغنيه وتذكرت ايضآ جلساتنا ونحن صغار في قريتنا نستمع لحكاوي اجدادنا عن بلادنا القديمه التي لم نرها قط .. كنا نسمعهم حين يتحدثون عنها وكأنها الجنه التي اخرجوا منها مرغمين تذكرت كل ذلك وسألت نفسي ؟ هل يشعر النوبي بأنه مواطن درجه تانيه ... هل يشعر الشباب النوبي بنفس الذي لم يخض معاناه التهجير نفس شعور اباءه واجداده ... مش ممكن يكون الشعور بالظلم والاضطهاد نابع من النوبيين انفسهم في الوقت اللي ليهم مطلق الحريه انهم يندمجوا وسط بقيه المصريين ويضيعو الاحساس ده ؟ هذا السؤال طرحته وانا اجلس مع مجموعه مع من اصدقائي علي احد المقاهي الشبابيه النوبيه في امبابه .. التي يوجد الكثير مثلها في عابدين و الهرم وفيصل والمعادي وبولاق احد الشباب رد بحماس وقال .. بصراحه لازم الدوله تعترف انها بتتعامل بتجاهل وعنصريه مع النوبيين لحد النهارده اهالينا في اسوان عايشين حياه بدائيه مش موجوده غير هناك فرددت عليه وقلت له .. دي ظروف بيعاني منها اغلب المصريين في القري والنجوع البعيده في الصعيد وبحري كمان فرد وقال .. مش قصدي الحكومه بس جزء كبير من المجتمع بينظر للنوبيين نظره عنصريه تقدر تقوللي ليه النوبيين اللي عددهم ممكن يوصل لاكثر من 5 مليون ومع كده مستحيل انك تلاقي ممثل اسود او ممثلله سمرا او حتي مذيع او مذيعه وكأن مصر كلها بييض وشعرهم اصفر .. ومفيش برضه رياضي نوبي الا القليل جدآ بالرغم من الطبيعه الموجوده في بلادنا اللي بتطلع الانسان رياضي بطبعه خد عندك امريكا مثلآ 90% من الرياضيين سوود وتحدث اخر بسخريه تشوبها المراره ... كل ده كوم والنظره المتعاليه اللي بنشوفها في الافلام والمسلسلات كوم تاني .. ولو افترضنا مثلا ان كل دي اهانات غير مقصوده تقول ايه علي الاهانات والسب المباشر سالته زي ايه مثلآ .. قال فاكر اللي حصل لاخوتنا واهلنا السودانيين من كام شهر في مصطفي محمود ؟ فاكر المسئوليين والاعلاميين كانوا بيقولوا عليهم ايه -- ليها حق الشرطه تعمل فيهم اكتر من كده ماشفتوش شكلهم الغريب وريحتهم الوحشه وازاي كانو مبوظين شكل البلد والميدان هنا قررت اني اسأ سؤالي بطريقه مباشره .. هل يشعر النوبي انه مواطن درجه تانيه هنا رد احد الموجودين بانفعال وقال ... سيبني انا اسالك سؤال عمرك سمعت عن نوبي ساكن مثلآ في العباسيه او الزاويه او السيده عيشه او حتي منطقه غير امبابه والهرم وفيصل وعابدين والمعادي؟؟ انا بسألك السؤال ده ليه لان النوبيين وهما هنا حاسين بالغربه انها مش بلدهم حتي المناطق دي ليهم تجمعات وشوارع معينه قاعدين فيها عشان يحسوا بالفه اللي للاسف لحد النهارده مش لاقينها وسط المصريين عرفت قصدي عرفت انا النوبيين بيعتبروا نفسهم بيتعاملوا معامله مواطنين من الدرجه العشره في وطن اغلب مواطنيه بيتعاملوا معامله درجه تانيه

ليست هناك تعليقات:

إرسال تعليق