بقلم إسراء حسين
مشتاقين يا ناس للبيت ... لنبع الحبايب... لبلاد النخيل والغيط ...حايعود ايلى غايب ... بالحب الكبير والشوق الكتير... مشتاقين يا ناس لبلاد الدهب ...
دى جزء من كلمات الفنان الرائع احمد منيب بلاد الدهب !! انا تقريبا عمرى ما حاضرت او شفت بلاد الدهب طبعا روحت بلدى ( النوبه ) بس مش ايلى بحلم بيها مش البلد ايلى اتمنيت انى اكون فيها ايلى اجدادنا وابائنا كانوا بيتكلموا عنها ايلى بتطل على النيل مكنش فيها اى قيود كل شئ مسموح .. مسموح لنظرك انه يشوف النيل الازرق الرائع انه يشوف الشمس وهيه بتغيب وهيه بتشرق وبنبدأ يوم جميل .. بلاد الدهب ايلى فيها الناس كلها معروفه بالطيبه والمحبه ايلى كل بيت فيها زى التانى مميز بالاشكال الهندسيه الجميله .. محدش بيعرف يزعل من التانى كلنا ايد واحده اتحادنا على المحبه وعلى كلمه واحده وعلى تراثنا ولغتنا .. حتى لون بشرتنا اتفقنا عليه .. اتمنى انى اعيش واموت فى بلاد النوبه وحافضل احلم لغاية لما احقق حلم جيل كامل عايز ومشتاق لبلاد الدهب بتاعتنا احنا واولادنا واكيد فى يوم من الايام حانروح وانعمرها وحاتبقى رحله من غير عوده .. وناويين اننا راجعين يا نوبه ومشتاقين وزى ما قال منيب وليكى عليه يا بلاد النوبه ( جوه البيت حانزرع نخله تطرح خير وتعمل ضله والعصافير تلقط غله فى الحوش الكبير ) سأظل احلم واحلم حتى يتحول الحلم الى حقيقه ومش حايأس ....
ليست هناك تعليقات:
إرسال تعليق